Deep Thought

"A man would do nothing, if he waited until he could do it so well that no one would find fault with what he has done"
- Cardinal Newman

Thursday, November 6, 2014

Dastak

Photo by Neel Kamal Pandey



us jang lagey taale ke peeche
malbey jaisi deewaro ke peeche
main shor hu ya sannata hu
main roshni hu ya andhera hu
tu de dastak, main batata hu
main teri hi kahani hu

kuch yaado ke jaale simte hain
halki dhoop ke mele hain
main ateet hu ya aagaami hu
main mohobbat hu ya nafrat hu
tu de dastak, main batata hu
main teri hi ruswaai hu

tujhe khurechi hui deewarein milengi
tujhe do nahi, kai parchaiyaa milengi
main kuch toote dilo ka raag hu
main ankaha koi fasana hu
tu de dastak, main batata hu
main teri roohani shaam hu

par ek darwaza hai kahi chupa hua
jaha tere jaisa koi hai band pada
main teri aas hu
main tera gumaan hu
tu de dastak, main batata hu
main tujh jaiso ko uksati lagaam hu